Estivemos na Fima Ganadera

A Fima Ganadera é unha das maiores feiras agrícolas e gandeiras que se celebran en España. Ten un carácter bianual e no presente ano asistiron case 60.000 persoas, todas cunha vocación profesional, asistindo nos sete pavillóns que conforman a feira, as mellores empresas do ámbito da gandería e do agro de case todos os países europeos.
Estivemos presentes coa raza Mos, un galo e tres galiñas, que formaron parte dunha exposición de razas avícolas de toda España, estando invitados no stand da Federación Española de Avicultura-FESACOCUR, repartindo moitos trípticos informativos da nosa raza, interesándose moito polas bondades da raza diversos profesionais e público en xeral. Celebrouse en Zaragoza do 15 ao 18 de marzo.

Asistimos ás xornadas técnicas organizadas polo Ministerio, no que se explicaron os últimos avances nos sectores gandeiros.

Foto: Fesacocur

Representantes de Fesacocur diante do stand. Foto: Fesacocur