Xornadas do Galo Mos no restaurante San Lázaro, en Lugo.

Ata o día 9 de marzo estanse a celebrar unhas xornadas que están a ser un gran éxito. Tendo uns entrantes de sopa de Galo Mos e un revolto de gulas con gambas, despois aparece o galo guisado de xeito tradicional, con patacas e pementos. De postre tiramisú con ovos de Galiña de Mos. 
Non se vai ninguén con fame.
O restaurante San Lázaro está no km. 501 da estrada Nacional VI, fronte ao Pazo de Feiras e Congresos de Lugo. 
As aves veñen da granxa Chousa do Lea.

Diego López Cociñeiro do Ano 2014

Onte foi un gran día. O noso amido Diego López do restaurante La Molinera, de Lalín, foi elexido Cociñeiro do Ano 2014 en Galicia. Bo momento para recordar unha das súas deslicatessen cos produtos da nosa raza, fai un mes en Madrid, ""Pularda de raza Mos en su jugo emulsionado con miniensalada".
Diego emprega a miúdo os produtos da nosa raza nos seus menús, como a Galiña de Mos para os cocidos ou noutras elaboracións na súa carta como "Gallina de Mos estofada, mostaza de uva y verduras de invierno", actualmente no seu menú degustación.

Foto do blog: Gourmetymerlin de Jorge Guitian.

Bonitas imaxes da Galiña de Mos na neve

A neve dos días pasados deixóunos varias fermosas imaxes das nosas galiñas. Aquí vos deixamos unhas que nos envían os criadores Luis Freire, en Pol, Lugo e Roberto Raposo, en Pedrafita do Cebreiro, Lugo. 
 Nos Casares, no concello de Pedrafita do Cebreiro (Lugo)
 En Suegos, no concello de Pol, Lugo

A Galiña de Mos en Xantar 2014

O 15º Salón Internacional do Turismo, celebrado en Ourense dos días 5 ao 9 de febreiro, contou coa presencia de produtos da Galiña de Mos e con abundante información sobre a raza.
A Federación de razas autóctonas de Galicia-BOAGA, dispuxo dun stand con información sobre razas autóctonas galegas onde se atendeu aos interesados e se venderon os novos peluches da Galiña de Mos, da Ovella Galega e o libro "Cociñando coas razas autóctonas".

Tamén se poderon observar e degustar os produtos da raza a través de varias actividades. 

Xa temos á venda o peluche da Galiña de Mos.

En colaboración coa empresa Galileo nenos acabamos de sacar ao mercado o peluche da Galiña de Mos.
É un xoguete moi simpático apto para todas as idades. Está a gustar moito.

Na páxina web de Galileo Nenos ou na nosa páxina web  pódese atopar información sobre os puntos de venda. Tamén se poden mercar directamente na nosa oficina ou en calquera das feiras ás que asistiremos no futuro. O prezo de venda ao público recomendado en tendas é de 19.90 €. pero os criadores teñen un desconto especial. 

A Galiña de Mos estará en Xantar 2014

A Galiña de Mos participará na 15ª edición do Salón Internacional de Gastronomía e Turismo XANTAR, que se celebrará do 5 ao 9 de febreiro de 2014 no recinto Feiral Expourense,(Finca Sevilla s/n -32005-Ourense) estando representada en diversas actividades. A Federación de razas autóctonas de Galicia-Boaga contará cun stand onde ofreceremos información sobre a raza e os seus produtos. Tamén o sábado día 8 ás 14 horas, o cociñeiro Flavio Morganti, impartirá un showcooking de razas autóctonas onde elaborará un prato con Pularda de raza Mos.
O venres ás 14 horas, a Escola de Hostelería de Vilamarín, fará unha tosta de Galo Mos proporcionado pola granxa Galo Celta, da cooperativa Vicogalo.
O Concello de Vila de Cruces disporá dun restaurante onde un dos seus menús, será a partir de empanada de Galiña de Mos e arroz con Galo de Curral.
Uns días para disfrutar da nosa gastronomía.

Un criador de Galiña de Mos en "Cos pés na terra"

No programa da TVG "Cos pés na terra" do domingo 2 de febreiro, aparece Xosé María, criador de Galiña de Mos e Ovella Galega.
Vémolo coas súas galiñas a partir do minuto 6 e 30 segundos.
No seguinte enlace http://www.crtvg.es/tvg/a-carta/o-mestre-antonio-xose-maria-carlinos