Na Feira de Turismo Gastronómico Xantar, que se celebrou en Ourense do 31 de xaneiro ao 4 de febreiro, a Federación de Razas Autóctonas de Galicia-BOAGA, contou cun restaurante atendido polo equipo do cociñeiro Antonio Díaz. Foi un rotundo éxito, enchendo todos os días as prazas dispoñibles para consumir un suculento menú feito con produtos das nosas razas autóctonas.
Un suculento postre feito con ovos de Galiña de Mos pechaba a degustación que non deixou a ninguén indiferente.
No stand de Boaga participaron produtores de razas autóctonas con venda de produto e asesoramento das súas marcas. Ofrecimos durante os cinco días de feira información sobre as razas autóctonas e asesoramento para a creación de marcas individuais.
Dos criadores de Galiña de Mos asisitíu José Álvarez "Pepe Vilachá" da granxa O Seara, do concello de Cartelle, en Ourense.
Os días 10 e 11 de febreiro celebrouse no concello das Pontes de García Rodríguez unha nova edición da Feira do Grelo. Paralelamente realizouse unha mostra de razas autóctonas na que participaron as razas Galiña de Mos, Ovella Galega, Cabra Galega, Porco Celta e Can de Palleiro.
O domingo 11 de febreiro celebrouse en Riotorto o Mercado de Inverno. Nel participou o criador Luis Fernández Fernández, criador do mesmo concello que levou exemplares vivos e ofreceu información da súa granxa e da nosa raza.
No concello do Valadouro, na provincia de Lugo, celebrouse o sábado 3 de febreiro a primeira edición dunha nova Feira de Razas Autóctonas. Baixo unha carpa concentrouse un importante número de cabezas de gando bovino, ovino, cabrún, cabalar, porcino e aviar. 
Na Feira de Turismo Gastronómico Xantar, que se celebrou en Ourense do 31 de xaneiro ao 4 de febreiro, a Federación de Razas Autóctonas de Galicia-BOAGA, contou cun restaurante atendido polo equipo do cociñeiro Antonio Díaz. Foi un rotundo éxito, enchendo todos os días as prazas dispoñibles para consumir un suculento menú feito con produtos das nosas razas autóctonas.
