Xa está dispoñible un novo número da nosa revista "Autóctonas Galegas". Este número fai un resume de actividades de todo o ano (ata o mes de novembro).
O sábado 22 de decembro celébrase en Vila de Cruces, unha nova edición da feira de nadal do Galo de Curral. Haberá degustacións e participaran vendendo exemplares varios dos nosos criadores pero eso sí, tamén haberá moita venda de exemplares de galos rubios de estirpes industriais, polo que busca os da raza Mos.
Este venres 21 de decembro celébrase a tradicional Feira do Capón de Vilalba. A grande maioría dos capóns desta feira obtéñense a partir de estirpes industriais de crecemento rápido, pero dous criadores de Avimós, do concello de Vilalba, presentarán varios lotes de capóns da nosa raza, da Galiña de Mos, coma os de antes. 
A Casa da Cultura de Vilalba acolleu a mañá do 30 de novembro a presentación das Xornadas de Degustación dos Produtos da Raza Galiña de Mos, que se desenvolverán do 5 ao 9 de decembro en 15 establecementos hostaleiros do municipio vilalbés. Existirán suculentas tapas elaboradas con carne de Galo e ovos de Galiña de Mos, que terán un custe de 2,50 euros. Tamén algún dos locais elaborará menús coa raza. Esperámosvos.
