Os produtos da Galiña de Mos estiveron nas degustacións de Expolugo.

Con motivo da feira Expolugo tamén houbo unha serie de degustacións e presentacións de produtos das nosas razas autóctonas, durante os dous días que durou a feira. Estiveron presentes 15 marcas comerciais de produtores que comercializan baixo a marca 100x100 Raza Autóctona. 
Estiveron des produtores da nosa raza. A granxa Chousa do Lea de José Zapata, ofreceu empanada de Galiña de Mos e tamén peituga de galo de Mos en escabeche. a granxa Aves do Concello de Francisco Monasterio, ofreceu Capon de Vilalba da raza Galiña de Mos guisado e a granxa Aeiroá, de Sandra López, deu a degustar filloas recheas de Galo de Mos e Cachena con queixo de San Simón e tamén, Polo de raza Galiña de Mos estufado con dátiles.
Foi unha ocasión ideal para que os produtores poderan dar a coñecer as súas marcas e os seus produtos.

Resultados do V Concurso Provincial Expolugo 2017

Estos foron os resultados do V CONCURSO-EXPOSICIÓN PROVINCIAL DA GALIÑA DE MOS Expolugo 2017. 
Na categoría de galiñas os premios foron para: 
Primeiro premio para unha galiña propiedade de Jose Luis Freire Castedo, de Pol. 
Segundo premio para Francisco José Monasterio Solveira de Vilalba. 
Terceiro premio para Emiliano Pol Ferreiro de Pedrafita do Cebreiro. 
Na Categoría de galos os premios foron: 
Primeiro premio para un galo propiedade de José Zapata Sánchez de Castro de Rei. 
Segundo premio para Javier Álvarez Cela de Becerreá. 
Terceiro premio para José Zapata Sánchez de Castro de Rei). 
Noraboa a tódolos premiados e a tódolos criadores que participaron no concurso.

Concurrido desfile de Gando no San Froilán.


Polas rúas do centro de Lugo o día 7 de outubro houbo un bonito desfile de gando no que participaron as nosas razas autóctonas. Alí estiveron un galo e unha Galiña de Mos que transportaron os criadores Javier Álvarez Cela e Noel Freire. Baixaron diante do concello de Lugo dun autobús dos anos sesenta, aqueles cos que fai anos se ía ás feiras.

Este fin de semana celébrase Expolugo

Os días 7 e 8 de outubro celébrase a feira Expolugo. No Pazo de Feiras e Congresos de Lugo, ao carón da estrada Nacional VI, celébrase unha feira que contará cunha importante exposición de gando. No caso da Galiña de Mos, celebrarase o V Concurso Monográfico Provincial da Galiña de Mos. 
Ademaís haberá venda de exemplares vivos e tamén degustacións proporcionadas por tres marcas comerciais da nosa raza, as granxas Aeiroá, Chousa do Lea e Aves do Concello, para dar a coñecer estes produtos.
Esta feira ten o patrocinio da Deputación Provincial de Lugo e foi presentada o mércores 4 de outubro nos xardíns da Deputación Provincial de Lugo.
O programa das degustacións é o seguinte:

SÁBADO 7 DE OUTUBRO
Hora
14.00 Chourizo e salchichón de Porco Celta de SOC. COOP. GALEGA TRES FUCIÑOS
14.15 Empanadas varias de Porco Celta de VERDE CÚBICO
14.30 Polo estufado de raza Galiña de Mos de GRANXA AEIROÁ
14.45 Carne de Cachena guisada de RAMÓN VÁZQUEZ
15.00 Chuletillas de cordeiro de PASTORES DE GALICIA
15.15 Queixo fresco de cabra de SOC. COOP. CAPRINA GALEGA
15.30 Queixo curado de cabra de COMO CABRAS

19.15 Cecina de Boi de raza Vianesa de GANADO DE LEMOS
19.30 Empanada de Galiña de Mos de CHOUSA DO LEA
19.45 Liscos ao espeto de Porco Celta de CMVMC DE CARBALLO
20.00 Chouriciños de Porco Celta ao viño de EMBUTIDOS LAGO
20.15 Cabrito de raza Cabra Galega de GRANXA TEIXEIRO E PISTÓN
20.30 Paletilla de Cachena de SAN BREIXO asada ao forno
20.45 Capón de Vilalba guisado de raza Galiña de Mos de AVES DO CONCELLO

DOMINGO 8 DE OUTUBRO
Hora
13.30 Cecina de Boi de raza Vianesa de GANADO DE LEMOS
13.45 Escabechada de peituga de Galo Mos de CHOUSA DO LEA
14.00 Liscos ao espeto de Porco Celta de CMVMC DE CARBALLO
14.15 Chouriciños de Porco Celta ao viño de EMBUTIDOS LAGO
14.30 Cabrito de raza Cabra Galega de GRANXA TEIXEIRO E PISTÓN
14.45 Paletilla de Cachena de SAN BREIXO asada ao forno
15.00 Capón de Vilalba guisado de raza Galiña de Mos de AVES DO CONCELLO


18.30 Queixo fresco de cabra de SOC. COOP. CAPRINA GALEGA
18.45 Queixo curado de cabra de COMO CABRAS

19.15 Chourizo e salchichón de Porco Celta de SOC. COOP. GALEGA TRES FUCIÑOS
19.30 Empanadas varias de Porco Celta de VERDE CÚBICO
19.45 Filloas recheas de Cachena e Galo Mos con queixo de San Simón de GRANXA AEIROÁ
20.00 Carne de Cachena guisada de RAMÓN VÁZQUEZ
20.15 Chuletillas de cordeiro de PASTORES DE GALICIA



Inauguración da exposición Bestiarium


A exposición fotográfica Bestiarium, que se inaugurou na Sala de Exposicións da Deputación de Lugo o xoves 28 de setembro, causou un gran impacto, xa que son imaxes moi diferentes das nosas razas autóctonas. 

É unha exposición moi recomendable de ver, sendo a primeira vez que está en Galicia.
Permanecerá aberta ata o 25 de outubro.
Máis imaxes: La Voz de Galicia
Ver vídeo da exposición: Fundación Tic


A nosa raza protagonista no cartel de Bestiarium.

Ata o 25 de outubro poderase ver na sala de exposicións da Deputación de Lugo, unha exposición fotográfica moi singular, con retratos das razas autóctonas. "BESTIARIUM-DIVERSIDAD RURAL", trátase de dar a coñecer gran parte deste patrimonio xenético e cultural único co fin de promocionar e difundir as razas e tamén facer visible o mundo rural no que viven ante a sociedade. A  exposición organizada polo autor José Barea e FEDERAPES, conta tamén coa colaboración da Federación de Razas Autóctonas de Galicia (BOAGA), a Deputación de Lugo, Ministerio de Agricultura y Pesca, Alimentación y Medio Ambiente e a Rede Museística Provincial de Lugo.
No cartel que anuncia a exposición pódese ver o retrato dun fermoso Galo da raza Galiña de Mos.
Máis información en: www.federapes.com

A Galiña de Mos estivo en Muras.

Estivemos na Feira do Poldro en Muras o domingo 24 de setembro, na exposición de razas autóctonas que se fixo. Desplazamos un galo e varias galiñas repartindo publicidade da nosa raza xunto co resto das nosas autóctonas.


No concurso de tapas da Coruña haberá Galo Mos.

No XIV concurso de tapas de A Coruña, que se celébra do día 15 de setembro ao 1 de outubro haberá Galo Mos nunha das tapas. Será na da Vinoteca "Cosecha 81" coa que participa, en horarios de: 13.30 - 15.30 horas e de 20.30 - 22.30 horas. A tapa denomínase Terrina de "GALO DE MOS" lacada con reducción de boletus sobre infusión de caldo. Os galos proceden da granxa de avicultura artesá "CHOUSA DO LEA".

En Pedrafita do Cebreiro estivo a nosa raza.

A Galiña de Mos estivo o día 17 de setembro na Feira do Ano de Pedrafita do Cebreiro. Os criadores Roberto Raposo, do concello de Pedrafita e Sandra López, de Láncara, estiveron presentes cun posto onde ofreceron información sobre a nosa raza e as súas granxas.

A Galiña de Mos estivo en Ponteareas.

o pasado 9 de setembro o criador Alejandro Collazo, do concello de Mos, estivo na Feira dos Remedios de Ponteareas, cun posto onde ofreceu información sobre a nosa raza.

A Galiña de Mos volveu a sonar na Vuelta Ciclista a España

Un ano máis e grazas a Asociación de Hosteleros da Provincia de Lugo, a promoción da Galiña de Mos volveu a estar presente nas saídas das etapas da Vuelta Ciclista a España, xunto con outros produtos galegos con indicativo de calidade. Foron moitos os interesados que pasaron polo posto da marca "E para comer Lugo" desde a que se fixo promoción da nosa raza e os seus produtos.




Unha criadora da raza gaña un premio de emprendemento.

A nova criadora de Galiña de Mos María Dolores Ramos, de Vilagarcía de Arousa, ven de gañar o I Premio Emprende VGA Concello de Vilagarcía, que ten como obxectivo impulsar o emprendemento e a innovación de novas empresas, para potenciar o motor económico do concello de Vilagarcía. Chamándolle ao seu proxecto "Galo galego" conseguí 3000 euros de premio ademais de asesoramento.
Fonte: Faro de Vigo

Mariló Ramos cos seus galos (imaxe de facebook)

Desmontando o mito do colesterol do ovo.

Video MOI INTERESANTE do Doutor arxentino Daniel López Rosetti, onde se explica claramente a mentira sobre o colesterol do ovo. O ovo estivo erróneamente demonizado por parte da medicina humana durante anos, xa que se creía que incrementaba o nivel de colesterol, demostrándose actualmente que non é así. O ovo é un dos alimentos existentes na natureza con maiores propiedades nutritivas.

A Galiña de Mos estivo no Arde Lucus.

No Arde Lucus, festa que se celebrou en Lugo entre o 30 de xuño e o 2 de xullo, no Castro da Asociación A Castronela, ao carón da Estación de autobuses de Lugo, estivo un lote de exemplares da nosa raza xunto a un lote de leitóns de Porco Celta. Neste espazo recreouse a vida dos castrexos e os seus costumes.

Xornadas na parrillada Fonte, cociña á brasa.

Na parrillada Fonte, cociña á brasa, situada na estrada nacional VI de Outeiro de Rei, Lugo, celebráronse entre o 1 e o 3 de xullo, unhas xornadas de degustación de produtos da nosa raza, coincidindo coa feira de artesanía da localidade. Foron organizadas polo propio restaurante en colaboración coa granxa Chousa do Lea.

A Galiña de Mos estivo en Outeiro de Rei.

O día 1 de xullo estivemos en Outeiro de Rei, na Feira de Artesanía da localidade. José Zapata, da granxa Chousa do Lea, fixo promoción da súa granxa e da raza.

No CPI Monte Caxado das Pontes naceron poliños de Galiña de Mos.

Nos primeiros días do mes de xuño, no CPI Monte Caxado das Pontes, procedeuse á incubación de poliños da nosa raza. O día 15 de xuño, día de nacemento, aproveitamos para das unha charla sobre a nosa raza e sobre as características do proceso de incubación, nacemento e cría dos polos.
Asistiron os alumnos de todo o colexio, podendo ver un galo e unha galiña vivos.

As razas autóctonas na Semana Verde.

Vídeo resume coas actividades da Federación de Razas Autóctonas de Galicia-BOAGA na Feira Internacional Semana Verde. Está editado pola canle de internet vacatv.tv de Transmedia Comunicación. 

Moitos contactos en Salimat.

No Salón da Alimentación do Atlantico, que se celebrou en Semana Verde, expuxeron producto da raza os criadores José Zapata, da granxa Chousa do Lea; Víctor Fontán, da Granxa de Lola; María José Castro, de Castro de Madrosende; Francisco Monasterio, da granxa Aves do Concello; Sandra López; da Granxa DManán, e os criadores de Galiña de Mos e Cachena Ramón Vázquez, Gandería Tras do Río e Cachenas de San Breixo. 
Realizaron moitos contactos comerciais para a venda de produto.
Tamén con motivo das degustacións de razas autóctonas ofrecidas en Tapirazas, os produtos da nosa raza gustaron aos máis de 1.000 comensais existentes no restaurante durante os catro días de feira.