A Galiña de Mos estivo na Feira do Capón de Vilalba.

Na feira do Capón de Vilalba participaron dous criadores da raza, Francisco Monasterio e David Cristóbal. Foi unha feira moi animada na que se venderon casi todos os exemplares presentados.
Tamén en Vila de Cruces participaron varios criadores de Galiña de Mos ofertando os seus galos.
Un bo remate para un ano moi intenso.

Feira do Capón de Vilalba.

O próximo 21 de decembro celébrase en Vilalba a Feira do Capón de Vilalba. Dous criadores da nosa raza participarán vendendo os únicos capóns de raza Mos que existirán na feira. 
Todos aqueles interesados deben buscar o posto de venda dos capóns de raza autóctona, que teñen un precinto azul na pata, que garante que pertencen á nosa raza.

Feira de Nadal do Galo de Curral de Vila de Cruces.

O próximo 22 de decembro celébrase en Vila de Cruces, a feira de Nadal do Galo de Curral. Haberá unha oferta diversa de actividades como degustacións e venda de produtos durante a mañá do venres.
Poranse á venda uns 200 galos pero soamente uns poucos da raza Galiña de Mos.
É moi importante que os compradores busquen o etiquetado específico da nosa raza que garante que están ante un galo da raza Mos. Nas patas teñen que ter uns precintos de cor vermella como os que se ven na foto.

Mariló Ramos estivo en DegustaGalicia

No I Salón de Gastronomía e Viños Degusta Galicia, que se celebrou do 6 ao 10 de decembro en Vilagarcia de Aorusa, a criadora María Dolores Ramos estivo presente presentando a súa marca "galo galego" e ofrecendo información sobre a nosa raza.

Unha criadora de Galiña de Mos estará na Feira Degusta Galicia.

A I Salón de Gastronomía e Viños Degusta Galicia, que se celebra do 6 ao 10 de decembro en Vilagarcia de Aorusa, contará con informacion da Galiña de Mos xa que a criadora María Dolores Ramos, criadora da mesma localidade, participará ofrecendo información da súa marca "galo galego" e sobre a raza Galiña de Mos. Unha iniciativa dunha das novas criadoras da nosa raza. Animamos a todos os interesados a visitar esta nova feira que comeza a súa andaina.

O polo da nosa raza triunfa.

Remataron unhas exitosas xornadas do Polo da raza Mos no Asador O Cabuxo, en Muimenta, no concello de Cospeito, provincia de Lugo. Este restaurante para celebrar o seu décimo aniversario organizou estas xornadas de tres días, en colaboración coa granxa Chousa do Lea. Foron un gran éxito, consumíndose nos tres días máis de 120 kg. de carne de polo de raza Galiña de Mos, ademáis de empanada de polo. As aves foron cociñadas asadas en forno de leña, sorprendendo o seu espectacular sabor.




Este fin de semana Xornadas de Polo no asador O Cabuxo.

En Muimenta, no concello de Cospeito (Lugo), este fin de semana celébranse unhas Xornadas do polo da nosa raza. Con motivo do X Aniversario do Asador O Cabuxo, entre o 24 e o 26 deste mes, temos un menú que leva empanada de polo, taboa de xamón e queixo e polo Mos á brasa, cun postre.
Moi recomendable e importante reservar xa que se espera unha enorme afluencia.

A Galiña de Mos foi invitada ao aniversario da Apehl.


O 22 de novembro a Asociación Provincial de Empresarios de Hostelería e Turismo de Lugo (APEHL) celebrou o seu 40 aniversario. Fomos invitados ao acto onde os alumnos de hostalería IES Sanxillao de Lugo, elaboraron unha degustación con produtos de calidade onde estiveron o Galo Mos e o cordeiro da raza Ovella Galega de Asociación Criadores Ovella Galega, en varias preparacións. Parabéns.

Ao mercado semanal de Ordes asistíu unha criadora.

Mari Luz Gómez Fernández, criadora do concello de Ordes das razas Galiña de Mos e Cachena, asistíu o pasado mércores 15 de novembro ao mercado semanal que se organiza na localidade, que conta con máis de 100 postos. O evento denominado "Vaia Praza-Día e Noite. Xornadas Gastro-Lúdicas" contou cunha serie de degustacións. A venda directa de produtos das razas nas feiras locais é unha interesante aposta para dar a coñecer as producións.

A Galiña de Mos na Feira de San Martiño de Teo.

O 11 de novembro celebrouse a Feira de San Martiño, en Francos, no concello de Teo. Os criadores Marco Antonio Feijóo e María Luisa Canicoba, do mesmo concello de Teo, participaron na feira ofrecendo moita información da raza, con venda de exemplares e ovos.

Dúas criadoras participaron na feira Etiqueta Negra Gourmet.

A Feira Etiqueta Negra, celebrada entre o 28 e o 30 de outubro, contou coa presenza de Sandra López, da granza Aeiroá e de María José Castro, da granxa Castro de Madrosende. Alí fixeron varias presentacións co chef Oliver Fernández Batista cun showcooking e ademais, no seu posto deron degustacións de hamburguesas de galo Mos e de empanada de galo con fariña de millo. Noraboa pola iniciativa. (A foto superior do chef Oliver Fernández pertence ao facebook de Etiqueta Negra Gourmet)

A ExpoDegustación da Galiña de Mos foi outro éxito.

O domingo 29 celebrouse a ExpoDegustación da Galiña de Mos. Foi outro éxito repartíndose 800 racións de galo guisado, ovo frito con patacas, tarta de améndoa e queixo.
Paralelamente celebrouse a VI Exposición e Concurso comarcal da Terra Chá,  que contou tamén coa invitación dos criadores dos concellos limítrofes á comarca da Terra Chá.
Partiticiparon 50 exemplares de 10 criadores da raza.
As aves foron valoradas polo veterinario Oficial da Xunta de Galicia Esteban Rivas.
Os resultados foron os seguintes:
Mellor galiña da exposición: galiña propiedade de José Luis Freire Castedo, de Suegos, concello de Pol.
Mellor galo da exposición: galo propiedade de José Zapata Sánchez, de Castro de Riberas de Lea, concello de Castro de Rei.
O programa A Revista, da Galega, fixo dúas conexións en directo que se poden ver nos seguintes enlaces:

Outra información xornal El Progreso.

No colexio de Lousame naceron poliños da nosa raza.

No CPI Plurilingüe Cernadas de Castro ubicado en Silva, no concello de Lousame, naceron poliños de Galiña de Mos que foron metidos na incubadora tres semanas antes. O nacemento dos polos foi un motivo de satisfacción para os nenos, que aprenden desta maneira o ciclo de incubación e nacemento dos polos.

Este domingo celébrase a ExpoDegustación da Galiña de Mos.

Este domingo 29 de outubro celébrase xunto á igrexa parroquial de San Xiao de Mos, no concello de Castro de Rei, provincia de Lugo, a Expodegustación da Galiña de Mos que se leva celebrando desde fai anos. Este evento que está organizado polos criadores da parroquia de San Xiao de Mos, en colaboración con Avimós, o Concello de Castro de Rei e a Deputación de Lugo. Celebrarase tamén o VI Concurso Comarcal da Galiña de Mos, escolléndose o mellor galo e a mellor galiña do certame. O menú constará entre outros de galo guisado e ovos fritidos. Esperámosvos.


A Galiña de Mos líder das razas avícolas de España.

O día 25 de outubro presentouse no Ministerio de Agricultura y Pesca en Madrid, os resultados de evolución dos censos das razas autóctonas e da comercialización dos produtos 100% Raza Autóctona. A Galiña de Mos segue a ser líder e a única entre as aves autorizada para o emprego do logotipo 100%.

En Etiqueta Negra estará a Galiña de Mos.

Os días 28, 29 e 30 de outubro celébrase na cidade de Pontevedra a feira Etiqueta Negra. é unha feira gastronómica de tipo gourmet na que participarán tres criadores da nosa raza: María José Abonjo, da granxa Castro de Madrosende, Sandra López da granxa Aeiroá e David Sueiro, da granxa Galo Celta.
Pódese consultar máis información da feira na seguinte páxina: http://etiquetanegragourmet.com/

Remata unha exitosa exposición Bestiarium.


A exposición de fotografías Bestiarium, que estivo na sala de exposicións da Deputación Provincial de Lugo, remata cun grande éxito de visitantes. Na exposición ademáis das fotografías, os visitantes poderon ver vídeos das nosas razas autóctonas.

O galo da nosa raza que foi o protagonista do cartel anunciador causou un gran impacto.
A exposición continuará agora por outras rexións españolas.

 Alumnos do colexio Fingoi de Lugo na exposición.

Os produtos da Galiña de Mos estiveron nas degustacións de Expolugo.

Con motivo da feira Expolugo tamén houbo unha serie de degustacións e presentacións de produtos das nosas razas autóctonas, durante os dous días que durou a feira. Estiveron presentes 15 marcas comerciais de produtores que comercializan baixo a marca 100x100 Raza Autóctona. 
Estiveron des produtores da nosa raza. A granxa Chousa do Lea de José Zapata, ofreceu empanada de Galiña de Mos e tamén peituga de galo de Mos en escabeche. a granxa Aves do Concello de Francisco Monasterio, ofreceu Capon de Vilalba da raza Galiña de Mos guisado e a granxa Aeiroá, de Sandra López, deu a degustar filloas recheas de Galo de Mos e Cachena con queixo de San Simón e tamén, Polo de raza Galiña de Mos estufado con dátiles.
Foi unha ocasión ideal para que os produtores poderan dar a coñecer as súas marcas e os seus produtos.