A nosa raza estivo representada na Feira do Capón de Vilalba e na do Galo de Curral de Vila de Cruces coa participación dos criadores Francisco Monasterio e María José Castro respectivamente.
Nas dúas feiras houbo diversas degustacións nas que colaboraron outros criadores nosos.
Na Feira do Capón de Vilalba houbo unha demostración de cociña e degustación de produtos de razas autóctonas organizada por granxa Aeiroá, de Sandra López, coa súa foodtruck. O cociñeiro Oliver Fernández explicou o proceso de cociñado e as súas características.
En Vila de Cruces a degustación tamén foi moi concurrida, participando o criador e cociñeiro da nosa raza Santiago Caramés.
A nosa raza estivo representada na Feira do Capón de Vilalba e na do Galo de Curral de Vila de Cruces coa participación dos criadores Francisco Monasterio e María José Castro respectivamente. 
No CEIP Cruceiro de Canido en Ferrol, houbo outra experiencia de incubación de ovos de galiñas da nosa raza, para alumnos de primaria. O día de nacemento tamén asistiron un galo e unha Galiña de Mos á aula facendo as delicias dos rapaces e rapazas. A implicación das profesoras foi de agradecer. 
No CEIP Plurilingüe Virxe do Mar de Narón, naceron poliños da nosa raza o pasado 5 de decembro. Trala incubación feita 21 días antes, os ovos e poliños foron observados polos alumnos, que recibiron as nosas explicacións no día de nacemento coa asistencia ás súas aulas dun galo de dunha Galiña de Mos. A profesora Pilar Saavedra liderou a iniciativa, participando tamén Juan Carlos Puente, antigo criador da nosa raza e presidente do Clube do Can de Palleiro.
