O pasado domingo 19 de agosto a Galiña de Mos estivo na Feira do 21 celebrada na parroquia de Piloño, no concello de Vila de Cruces. Alí estiveron os criadores José Ramón Cillero, María José da granxa Castro de Madrosende e David Santos da granxa Castelo de Alcobre.
Un ano máis colaboramos coa Asociación de Hostaleiros da provincia de Lugo na promoción dos produtos de calidade galegos, durante a "Vuelta Ciclista a España". O luns 13 de agosto asistimos á presentación na oficina de turismo de Lugo. Alí víuse como os produtos da Galiña de Mos e da Ovella Galega estarán presentes nas etapas de toda España.
O pasado 12 de agosto con motivo da Feira da Rosca de Sober, celebrouse unha exposición de avicultura na que a nosa raza tivo presenza. O criador Gonzalo Rodríguez Lamblín levou exemplares de Galiña de Mos a unha exposición que estivo moi concurrida.
