Nun colexio de Lugo naceron poliños.

 Escola de Educación Infantil Rosalía de Castro, en Lugo, naceron poliños da nosa raza o día 21 de decembro. Foi unha cita moi especial xa que no colexio Rosalía de Castro puxéramos en marcha unha incubación, aquel fatídico 12 de marzo de 2020, cando tan só dúas horas despois se decretou o confinamento e polo tanto, a actividade se cancelou daquela. O criador Alberto Fernandez Fraga, deulles unhas fermosas nocións aos alumnos, que tamén puideron observar na aula un galo e unha Galiña de Mos.

Na feira do galo de Arteixo estivo a nosa raza.

 Na Feira do Galo de Arteixo estivo representada a nosa raza, cos exemplares que levou o criador José Manuel Velo Ferreiro, da granxa Finca O Cortizo. Levou un dos premios aos mellores exemplares.

Na feira Etiqueta Negra estivo a Galiña de Mos.

 A feira Etiqueta Negra Gourmet, celebrouse en Pontevedra entre o 10 e o 12 de decembro. Alí estivo a criadora Sandra López, de granxa Aeiroá, ofrecendo infromación sobre a súa granxa e facendo unha degustación con outros dous criadores das nosas razas bovinas autóctonas.

 

Máis cerca de autorizarse o sacrificio na explotación das nosas granxas.

O 29 de novembro o xornal La Voz de Galicia falou de nós, con referencia á Guía de Boas Prácticas que lle presentamos á Conselleria de Sanidade fai uns meses, para que autoricen aos interesados e criadores de Galiña de Mos, a realizar as instalacións necesarias para o sacrificio na explotación. Esperamos ter novidades axiña. Si queredes ver a información pinchade aquí.

No CEIP Plurilingüe Virxe do Mar de Narón naceron poliños.

O 12 de novembro naceron poliños da nosa raza no CEIP Plurilingüe Virxe do Mar de Narón, trala posta en marcha da incubadora 21 días atrás. Os alumnos do colexio disfrutaron coa visita dun galo, dunha galiña e dos poliños nacidos. Da gusto atoparse con profesoras como Pilar Saavedra, que realizou durante estas tres semanas experiencias cos seus alumnos, relacionadas co mundo da avicultura e desta maneira, que tomen contacto coa natureza.

No concurso de tapas de Lugo vai a nosa raza.

No concurso de tapas de Lugo, que se celebrou entre o 5 e 21 de novembro, participou unha tapa de Canelón de Polo Mos e bechamel trufada. Foi a aposta do restaurante Bulló Xantar.

A Galiña de Mos estivo en Xantar.

Este ano o Salón Internacional de Turismo Gastronómico-Xantar, celebrouse do 3 ao 7 de novembro en Ourense. No restaurante da Federación de Raza Autóctonas de Galicia-BOAGA, estiveron presentes os produtos da nosa raza, que acompañaban o espectacular menú. 

De feira en Monterroso.

 O 1 de novembro a Galiña de Mos participou na Feira de Santos que se organiza no en Monterroso nesa data, desde tempos históricos. Alí estiveron os criadores da granxa MosUlloa con exposición e venda de exemplares e ovos.

A Galiña de Mos estivo de Feira na Veiga.

Os días 9 e 10 de outubro celebrouse unha Feira na Veiga, na provincia de Ourense, que tivo unha importante mostra gandeira. Alí estiveron expoñendo lotes das súas galiñas , o criador e criadoras Vicente Lameiro, do concello da Veiga, María Elisa Camino, do concello do Bolo e Ana Belén Losada de Granxa Artesanal "Os Chambras", do concello de Manzaneda.

Estivemos en Expolugo

O primeiro fin de semana de outubro, estivemos en Expolugo, onde se celebrou unha pequena mostra de razas autóctonas e presentacións de produto. Unha feira que debido ás restriccións, non puide ser do tamaño doutros anos. Esperamos a súa recuperación no futuro. Alí houbo unha mostra gandeira e demostracións de produto.

Colaboramos no concurso de tortillas de Semana Verde.

Na Feira Semana Verde de Galicia, colaboramos coa DOP Aceites de Baena, no Concurso Popular de tortillas. 11 participantes fixeron as súas tortillas de pataca con ovos de Galiña de Mos. María López Núñez de Aeiroá Galiña de Mos e Silvia Donsión de Avicultura artesanal Pitagudín, demostraron a súa experiencia, coa elaboración dunhas excelentes tortillas de pataca con ovos da nosa raza. Participou no xurado o presidente de Avimós Francisco J. Monasterio Solveira.

En Salimat estiveron varios criadores da nosa raza.

 No Salón da Alimentación do Atlántico SALIMAT, que se celebra con motivo da feira Semana Verde, participaron varios dos nosos criadores. Tamén houbo degustacións dos produtos da Galiñade Mos.