A nosa raza estivo representada na Feira do Capón de Vilalba e na do Galo de Curral de Vila de Cruces coa participación dos criadores Francisco Monasterio e María José Castro respectivamente. 
No CEIP Cruceiro de Canido en Ferrol, houbo outra experiencia de incubación de ovos de galiñas da nosa raza, para alumnos de primaria. O día de nacemento tamén asistiron un galo e unha Galiña de Mos á aula facendo as delicias dos rapaces e rapazas. A implicación das profesoras foi de agradecer. 
No CEIP Plurilingüe Virxe do Mar de Narón, naceron poliños da nosa raza o pasado 5 de decembro. Trala incubación feita 21 días antes, os ovos e poliños foron observados polos alumnos, que recibiron as nosas explicacións no día de nacemento coa asistencia ás súas aulas dun galo de dunha Galiña de Mos. A profesora Pilar Saavedra liderou a iniciativa, participando tamén Juan Carlos Puente, antigo criador da nosa raza e presidente do Clube do Can de Palleiro.
O ciclo de exaltacións gastronómicas da provincia de Lugo rematou coas xornadas sobre a nosa raza. participaron os restaurantes O ASADOR de BARREIROS, A LONXA de BURELA, RÍO LEA de CASTRO RIBERAS DE LEA, CASA DAMIÁN de FOZ, O LAR de FOZ, XOYMA de FOZ, CASA GAIBOR de GUITIRIZ, CANEDO de LUGO, MANUEL MANUEL de LUGO, O CINCUENTA E SEIS de LUGO, OS CACHIVACHES de LUGO, PORTA SANTIAGO de LUGO, ABADÍA SAN SIMÓN de MONFORTE DE LEMOS, TAPERÍA CENTRO DO VIÑO de MONFORTE DE LEMOS, O RINCÓN de PALAS DE REI, A MIRANDILLA de RINLO-RIBADEO, EL OVIEDO de RIBADEO, PARADOR DE RIBADEO, PARADOR DE VILALBA.
Durante todo este ano, véñense celebrando na provincia de Lugo unha serie de Exaltacións Gastronómicas, organizadas pola Asociación Provincial de Empresarios de Hostelería e Turismo de Lugo (Apehl) en colaboración coa Diputación de Lugo, con produtos de calidade galegos. Neste mes celebraranse as das carnes da raza Galiña de Mos, os Grelos de Galicia, a Pataca de Galicia e o Queixo de Tetilla. 
Na feira Etiqueta Negra Gourmet, que se celebrou deo 9 ao 11 de novembro en Pontevedra, houbo presenza da nosa raza coa criadora Sandra López, de granxa Aeiroá.
No CPI Luis Díaz Moreno de Baralla, na provincia de Lugo, os alumnos asistiron ao nacemento de poliños da nosa raza e tamén, recibiron a visita dun galo e dunha Galiña de Mos, implicándose moito os alumnos e os profesores nesta actividade que durou tres semanas. Acompañounos a criadora Sandra López para contar as súas experiencias.
O 7 de novembro os alumnos do CPI Ramón Piñeiro da Pobra de San Xiao, no concello de Láncara, provincia de Lugo, asistiron ás nosas explicacións sobre o proceso de incubación dos ovos. A criadora Sandra López contou a súa experiencia, na crianza da nosa raza.
