Os produtos da Galiña de Mos participaron nun curso de cociña.

O cociñeiro Jesús Villarino Gavín, membro da asociación de cociñeiros da mariña de Lugo, impartíu un curso no Centro de formación e experimentación agroforestal "Pedro Murias" en Ribadeo, baseado no cociñado de produtos de calidade. Fainos chegar estas deliciosas imaxes.

Tosta de allo negro, pan de trigo, peituga de Galo Mos ao curry e ovo de Galiña de Mos.

Musliño de Galo Mos sobre crema de castañas e redución de Pedro Ximénez.

Fabas de Lourenzá en crema de ourizos de mar con tacos de Galo Mos con sésamo tostado e mazá seca.

Remataron as Xornadas da Galiña de Mos na provincia de Lugo.

O ciclo de exaltacións gastronómicas da provincia de Lugo rematou coas xornadas sobre a nosa raza. participaron os restaurantes O ASADOR de BARREIROS, A LONXA de BURELA, RÍO LEA de  CASTRO RIBERAS DE LEA, CASA DAMIÁN de FOZ, O LAR de FOZ, XOYMA de FOZ, CASA GAIBOR de GUITIRIZ, CANEDO de LUGO, MANUEL MANUEL de LUGO, O CINCUENTA E SEIS de LUGO, OS CACHIVACHES de LUGO, PORTA SANTIAGO de LUGO, ABADÍA SAN SIMÓN de MONFORTE DE LEMOS, TAPERÍA CENTRO DO VIÑO de MONFORTE DE LEMOS, O RINCÓN de PALAS DE REI, A MIRANDILLA de RINLO-RIBADEO, EL OVIEDO de  RIBADEO, PARADOR DE RIBADEO, PARADOR DE VILALBA.

Xornadas Gastronómicas da Galiña de Mos na provincia de Lugo.

Durante todo este ano, véñense celebrando na provincia de Lugo unha serie de Exaltacións Gastronómicas, organizadas pola Asociación Provincial de Empresarios de Hostelería e Turismo de Lugo (Apehl) en colaboración coa Diputación de Lugo, con produtos de calidade galegos. Neste mes celebraranse as das carnes da raza Galiña de Mos, os Grelos de Galicia, a Pataca de Galicia e o Queixo de Tetilla. 

As xornadas celebraranse do 15 ao 24 de novembro nos seguintes restaurantes:

O ASADOR, BARREIROS

A LONXA, BURELA

RÍO LEA, CASTRO RIBERAS DE LEA

CASA DAMIÁN , FOZ
O LAR, FOZ
XOYMA, FOZ
CASA GAIBOR, GUITIRIZ
CANEDO, LUGO
MANUEL MANUEL, LUGO
O CINCUENTA E SEIS, LUGO
OS CACHIVACHES, LUGO
PORTA SANTIAGO, LUGO
ABADÍA SAN SIMÓN, MONFORTE DE LEMOS
TAPERÍA CENTRO DO VIÑO, MONFORTE DE LEMOS
O RINCÓN, PALAS DE REI
A MIRANDILLA, RINLO-RIBADEO
EL OVIEDO, RIBADEO
PARADOR DE RIBADEO, RIBADEO
PARADOR VILALBA, VILALBA

En dous colexios, de Narón e Ferrol, novas incubacións.

No CEIP Virxe do Mar de Narón e no CEIP Canido de Ferrol, comezou a incubación de sendos lotes de ovos de raza Galiña de Mos o día 13 de novembro. Os nenos xa están ansiosos esperando o nacemento...

Unha criadora asistíu a Etiqueta Negra.

Na feira Etiqueta Negra Gourmet, que se celebrou deo 9 ao 11 de novembro en Pontevedra, houbo presenza da nosa raza coa criadora Sandra López, de granxa Aeiroá.

Moitas actividades se desenvolveron incluíndo demostracións e degustacións.

No CPI Luis Díaz Moreno de Baralla viviron unha bonita experiencia.

No CPI Luis Díaz Moreno de Baralla, na provincia de Lugo, os alumnos asistiron ao nacemento de poliños da nosa raza e tamén, recibiron a visita dun galo e dunha Galiña de Mos, implicándose moito os alumnos e os profesores nesta actividade que durou tres semanas. Acompañounos a criadora Sandra López para contar as súas experiencias.

No colexio da Pobra de San Xiao naceron poliños.

O 7 de novembro os alumnos do CPI Ramón Piñeiro da Pobra de San Xiao, no concello de Láncara, provincia de Lugo, asistiron ás nosas explicacións sobre o proceso de incubación dos ovos. A criadora Sandra López contou a súa experiencia, na crianza da nosa raza.