III Exposición e Degustación da Galiña de Mos en San Xiao de Mos (Castro de Rei)

No campo da festa, ao carón da igrexa parroquial de San Xiao de Mos, no concello de Castro de Rei, Lugo, vaise celebrar o domingo 28 de outubro a xornada de exaltación da raza, que se ven celebrando nos últimos tres anos. A degustación está organizada pola Asociación de Veciños de San Xiao de Mos e nunha carpa para máis de 700 comensais, tres cociñeiras prepararán no mesmo lugar, as carnes guisadas dos 200 galos e galiñas que criaron catro dos criadores da parroquia. As racións, irán acompañadas de ovos fritos de Galiña de Mos. 

Paralelamente, nunha carpa anexa, realizarase unha exposición comarcal de aves vivas da raza que está patrocinada polo Concello de Castro de Rei en colaboración con AVIMOS. 

Animámosvos a todos a participar nesta xornada festiva.

Como chegar: Coordenadas GPS: N-43° 9' 44.36" W-7° 32' 32.78"

Pinchar para abrir google maps.