Conferencia sobre a Galiña de Mos no Centro de Interpretación das Fragas do Eume.

Con motivo da inauguración das IV Xornadas Gastronómicas da Tenreira Cachena no Eume, A Asociación de Empresarios de Turismo do Eume, invitounos a impartir unha charla informativa sobre a Galiña de Mos, na que se informou dos avances conseguidos coa raza, das súas características morfolóxicas e especialmente dos seus especiais caracteres cárnicos. A apreciación dos consumidores e os estudos de investigación, están a demostrar o diferentes que son os produtos da raza autóctona en comparación aos polos industriais. 

Debido á gran aceptación que están a ter as carnes da raza e apostando polos produtos autóctonos, os restaurantes da zona mostráronse moi interesados na introdución dos produtos da Galiña de Mos nos seus menús.

A xornada desenvolveuse no Centro de Interpretación das Fragas do Eume, o venres 13 de abril.