1ª Exposición e Mercado da Galiña de Mos - SEMANA VERDE 2010

Un ano máis a Feira Internacional Semana Verde de Galicia celebra unha nova edición, e van 33.

Celebrarase do 10 ao 13 de xuño e a Galiña de Mos terá un destacado papel, xa que organizaremos unha exposición de exemplares adultos con 24 criadores participantes con cerca de 100 exemplares.

Pero a novidade principal será que durante o fin de semana, o sábado 12 e o domingo 13 celebrarase un mercado tradicional de venda de gando, no que se poderán adquirir exemplares de todas as nosas razas autóctonas, tendo a Galiña de Mos un papel destacado xa que se porán á venda cerca de 1.500 poliños da raza a partir dun mes de vida.

A ENTRADA É GRATUÍTA PARA TODO O PÚBLICO.

Animamos a todos os interesados nas nosas razas a visitarnos.

Excelente acollida do concurso da Galiña de Mos en Silleda

Con motivo da primeira edición de GandAgro, primeiro monográfico especializado en gandería e agricultura do noroeste peninsular, organizamos un concurso exposición que tivo unha excelente acollida entre o público en xeral e entre as autoridades.

Participaron 50 exemplares de 25 criadores dun gran nivel. Destacable foi a participación na categoría de galos, onde os exemplares acadaron altas puntuacións, proba da calidade das aves presentadas.O Conselleiro de Presidencia, D. Alfonso Rueda, observa os exemplares en presenza do presidente de Avimós, D. Francisco Monasterio, de Dª Paloma Hidalgo, Directora Xerente da Fundación Semana Verde de Galicia e do presidente da Diputación de Pontevedra, D. Rafael Louzán.

Os premiados foron,
Na categoría de Galos:
1º premio-galo propiedade de Arlindo Riveiro Rodríguez, de Vigo, Pontevedra.

2º premio-galo propiedade de Francisco Monasterio Solveira, de Vilalba, Lugo.

3º premio - galo propiedade de Marcos Pichel Dávila, de Mos, Pontevedra.

Na categoría de Galiñas:
1º premio-galiña propiedade de Dolores Mosteiro Costoya, de Melide, A Coruña.

2º premio-galiña propiedade de Luis Fernández Fernández, de Riotorto, Lugo.

3º premio-galiña propiedade de Álvaro Rodríguez Rodríguez, de Mos, Pontevedra.

I CONCURSO-EXPOSICIÓN DA RAZA GALIÑA DE MOS – GANDAGRO 2010

Do 4 ao 6 de marzo deste ano vaise celebrar o I SALÓN MONOGRÁFICO GANDEIRO E AGRÍCOLA – GANDAGRO 2010, no recinto Feiral de Silleda, un novo evento que se celebrará cada dous anos. Nesta mostra farase o I CONCURSO – EXPOSICIÓN DA RAZA GALIÑA DE MOS – GANDAGRO 2010.

As aves estarán instaladas no pavillón 1 da feira e admitiranse no concurso. Animamos a todo o mundo a que pase a visitar este concurso, no que esperamos un alto nivel de participación dos exemplares.

Exposición e degustación e San Xiao de Mos

O pasado sábado 16 de xaneiro, houbo unha moi concurrida degustación de galo da nosa raza na parroquia de San Xiao de Mos, no concello de Castro de Rei, provincia de Lugo. A carne dos galos estivo preparada de tres formas distintas, elaborada por tres restaurantes da zona. Asistiron 500 persoas e na exposición de galiñas, presentáronse 40 xaulas nas que varios criadores da comarca espuxeron varios galos e galiñas. Foi un día festivo e moi concurrido de xente moi animada polo acto feito na parroquia de onde a raza tomou o seu nome aló polos anos trinta.

Galo estilo ao alliño.

Exposición e degustación de Galo Mos

O vindeiro sábado 16 de xaneiro, haberá unha degustación de galo da nosa raza na parroquia de San Xián de Mos, no concello de Castro de Rei, provincia de Lugo.
A degustación está organizada polo concello de Castro de Rei e a asociación de veciños da parroquia, podendo consumir a carne dos galos que serán preparados polos restaurantes da zona. A degustación será a precios populares e contará cunha exposición de galos e galiñas da raza.

FELIZ ANINOVO

III Concurso-Exposición Monográfico da Galiña de Mos

Con motivo da celebración da feira Expolugo, celebrouse do 2 ao 5 de outubro o III Concurso-Exposición monográfico da Galiña de Mos, no Pazo de Feiras e Exposicións de Lugo que tivo un gran nivel de participación e moitos visitantes.

A Delegada Territorial da Xunta de Galicia en Lugo, Dª Raquel Arias, atende ás explicación do Presidente de Avimós.

Os gañadores foron, na categoría de Galos:
1º premio-galo propiedade de Edmundo Novoa, de Lugo.
2º premio-galo propiedade de Antonio Roca, de Cambre, A Coruña.
3º premio - galo propiedade de Fulgencio Casás, de Outeiro de Rei, Lugo.

Na categoría de galiñas:
1º premio-galiña propiedade de Luis Fernández, de Riotorto, Lugo.
2º premio-galiña propiedade de Luis Fernández, de Riotorto, Lugo.
3º premio-galiña porpiedade de Arlindo Riveiro, de Vigo, Pontevedra.

Concurso de galiñas de razas autóctonas do cantábrico

Do 25 ao 27 de setembro celebrouse en Xixón o III Concurso-Exposición de Gallinas de razas autóctonas del cantábrico e o II Concurso-Exposición Internacional de avicultura, colombicultura y cunicultura de razas autóctonas de España, Francia y Portugal.

Asistiron coa Galiña de Mos os criadores Edmundo Novoa, Carlos Durán, Ramón Abella e Luis Fernandez. Estes dous últimos recibiron sendos premios cos seus exemplares, macho e femia respectivamente, destacándose as altas puntuacións recibidas polos exemplares da nosa raza, proba da calidade das aves presentadas.

III Concurso-Exposición Monográfico da Galiña de Mos

Do 2 ao 5 de outubro celebrarase no Pazo de Feiras e Congresos de Lugo a terceira edición do Concurso-Exposición Monográfico da Galiña de Mos englobado na feira Expolugo. Poderase visitar das 11 ás 21 horas.

Aqueles que desexen máis información poden chamar ao telefono da asociación (988205487).

A Galiña de Mos irá á exposición de Xixón

Do 25 ao 27 de setembro celébrase en Xixón o III Concurso-Exposición de Gallinas de razas autóctonas del cantábrico e o II Concurso-Exposición Internacional de avicultura, colombicultura y cunicultura de razas autóctonas de España, Francia y Portugal.
Será no Recinto Ferial "Luis Adaro".
Nel participarán varios criadores da nosa raza cun importante número de aves expostas.
Manterémosvos informados.

Estivemos en Silleda

A Feira Internacional Semana Verde de Galicia celebrouse do 11 ao 14 de xuño, no recinto feiral de Silleda, sendo visitada por 55.000 persoas. Alí estivemos con dous lotes de Galiña de Mos e no stand do resto das razas autóctonas englobadas na Federación de razas autóctonas de Galicia-Boaga.

II MOSTRA DE GANDO DO PAIS. Bretoña, A Pastoriza, Lugo.

En Bretoña, no concello da Pastoriza, provincia de Lugo, celebrouse o pasado 7 de xuño a II Mostra de Gando do País na que se ubicou unha carpa na que houbo unha vistosa e moi concurrida exposición das razas autóctonas galegas estando presente a Galiña de Mos.

Entradas para Silleda

Este ano a Feira Internacional Semana Verde de Galicia celébrase do 11 ao 14 de xuño.
Temos entradas para todos os interesados polo que aqueles que as queiran que chamen á asociación para solicitalas.
Máis información sobre a feira aquí.

VILADECRUCES APOSTA POLA GALIÑA DE MOS

O prestixioso galo de curral de Viladecruces é un galo criado ata cerca dun ano de idade que é comercializado posteriormente tras ser sometido a unhas condicións de crianza totalmente naturais. Ten unha historia de dúas décadas de antigüidade e nestas datas celébrase a festa do galo de curral desta localidade da comarca do Deza. Nos últimos anos este produto elaborábase a partir da crianza de galos de estirpes rubias, de procedencia estranxeira, que son a gran maioría das existentes na nosa terra pero debido a que os promotores desta iniciativa desexan a maior calidade para a súa produción, actualmente o Galo de Curral de Viladecruces, do que se comercializan durante todo o ano centos de unidades, estase a producir a partir da Galiña de Mos, combinando a xenética de alta calidade cun método de produción natural e artesanal, obtendo desta maneira a máxima calidade.
O 31 de maio celebrouse a XVI edición da Festa do Galo de Curral, organizando Avimós e a asociación de produtores do galo de curral de viladecruces unha fermosa exposición de Galiña de Mos. Tamén houbo degustación e venda de exemplares recibíndose nesta xornada festiva máis de 10.000 visitantes.

A Galiña de Mos no mercado estacional de Riotorto.

Xa esta consolidado o mercado estacional das Rodrigas no concello de Riotorto, provincia de Lugo, onde en cada estación acude o criador de Galiña de Mos Luis Fernández cunha exposicion e venta de exemplares da raza. Os mercados celebráronse os días 1 de marzo e 24 de maio.