A Feira Internacional de Galicia ABANCA vén de decidir que a 43ª edición da Feira Internacional Abanca Semana Verde de Galicia e os seus certames paralelos -Fecap Abanca, Salimat Abanca, Turexpo Galicia e Festur - previstos do 4 ao 7 de xuño, se trasladen ao vindeiro ano.
Concretamente celebraranse entre o 3 e o 6 de xuño de 2021.
Esta decisión está motivada pola situación de alerta sanitaria xerada polo covid-19, que supón que non sexa convinte a súa celebración este ano por responsabilidade social e económica con todos os axentes que participan no certame.
Polo tanto, todas as actividades que realizábamos con motivo
desta feira quedan aprazadas.
