O Salón Internacional de Turismo Gastronómico-XANTAR que se celebrou en Ourense do 6 ao 10 de febreiro, contou con ampla presenza das razas autóctonas. A Federación de Razas Autóctonas de Galicia-BOAGA, tivo un restaurante cun menú feito a partir de produtos das nosas razas. De Galiña de Mos degustouse empanada de galo e flan con ovo da nosa raza. O restaurante obtivo o premio ao mellor da feira.
Tamén houbo unha demostración de cociña feita por David, o cociñeiro do restaurante Pazo de Canedo, de Ourense, que estivo acompañado polo criador "Pepe Vilachá" da granxa O Seara. Presentaron os produtos da raza falando das súas características.