Boaga estrena páxina web

A Federación de Razas Autóctonas de Galicia - BOAGA, da que forma parte Avimós, ven de estrear páxina web, na que existe información sobre as razas autóctonas que integran a Federación e colaboran con ela. 

Si queredes informarvos sobre as outras razas autóctonas visitade www.boaga.es. Irase ampliando información nos próximos días. 

Achégase un mes de marzo cargado de actividades

O próximo mes de marzo ven cheo de actividades de promoción da nosa raza e de oportunidades para degustar as súas carnes. Pronto vos informaremos.

Para rematar o mes de febreiro o restaurante O Pazo de Lugo en Madrid organiza o xoves 21 unha cena-cata na que o Galo da raza Mos forma parte do menú principal.

Tamén o Restaurante Silabario en Tui, segue a ofrecernos no seu menú un estupendo prato do Galo Mos estofado a fogo lento, rebozuelos escabechados e nabo glaseado. Ademáis este restaurante farán o 7 de marzo unhas maridaxes, entre os que destaca a combinación con  croqueta de Galo Mos con maíz e trigo.

Tamén o sábado día 22 de febreiro en Bertamiráns, concello de Ames, ao carón de Santiago de Compostela, a granxa Sabores de Santiso organiza unha degustación na tenda especializada La cesta natural.

A Galiña de Mos participou en Fitur

Grazas á invitación cursada pola Asociación de Hosteleros da provincia de Lugo, asistimos á presentación en Fitur da Guía da hostelería da provincia de Lugo E para comer Lugo, onde aparece o Galo de raza Mos. Na mesa de presentación participaron o presidente da Asociación de hosteleros de Lugo Cheché Real, a Delegada da Xunta en Lugo Raquel Arias, a Vicepresidenta da Deputación de Lugo Lara Méndez e o Presidente de Avimós Francisco Monasterio, en representación das marcas de calidade dos produtos galegos. No stand de Galicia repartiuse abundante información sobre os produtos gastronómicos galegos.

Presentación da Guía

Stand de Galicia en Fitur

Aproveitando a visita a Madrid, fixéronse contactos con varios restaurantes madrileños e galegos ilustres  para informarlles sobre a raza e a calidade das súas carnes. O restaurante O Pazo de Lugo realizou unha exquisita preparación do galo guisado acompañado con espárrago triguero á prancha e crocante de xamón, mostrando estas persoalidades moito interés por unha carne tan especial e diferente.

Máis información: E para comer Lugo, El Progreso, La Voz de Galicia