Rematou a Semana Verde de Galicia 2012, celebrada en Silleda (Pontevedra) do 14 ao 17 de xuño.
Visitada por 110.000 persoas, foi un gran escaparate para a promoción da nosa raza. Houbo moitas novidades, destacando a presentación das carnes das razas autóctonas en venda directa desde o produtor ao consumidor.
A granxa artesanal Soutodeherville presentou unha venda de galos sacrificados con oito meses, que mostraron unha gran calidade e aceptación, interesándose polo produto cidadáns de diferentes partes do mundo. O seu propietario, Marcos Pichel, foi felicitado por todas as autoridades pola súa aposta.
