A Asociación gastronómica "Vacaloura", celebrou o 22 de xuño a 2ª edición das Xornadas de Exaltación do Galo de Mos, no Bar-Restaurante Chincho II, en Lusquiños, Tomeza, no concello de Pontevedra. O produto foi proporcionado polo criador Augusto Fontám Garcia. A cociñeira Dª. Ana, foi galardonada co premio "Meiga Rebelde" pola súa taxectoria na cociña e polo seu bo labor.
O 16 de xuño celebrouse a Feira do Trece en Carballido, no concello de Alfoz, provincia de Lugo. Alí estivemos cos nosos amigos do Porco Celta promocionando á Galiña de Mos.
O pasado 15 de xuño no CEIP A Magdalena das Pontes de García Rodríguez, naceron poliños de Galiña de Mos. Os alumnos disfrutaron moito do momento e ademáis, achegamos un gallo e unha galiña á aula, ofrecéndolles unha charla divulgativa.
Foi unha feira Semana Verde con moitísimo público, moitos novos criadores interesados, visita de autoridades...
Récord de participación no V Campionato Galego da raza Galiña de Mos, con 27 criadores participantes.
Estivemos na presentación do proxecto “Saborea una historia 100% nuestra”, no Parador de Toledo. É unha iniciativa que consiste na promoción e introdución de produtos amparados polo Logotipo Raza Autóctona 100% nas cartas da rede de Paradores durante todo este mes de xuño, posibilitando seguir colaborando con Paradores no futuro para dar a coñecer os produtos das nosas razas autóctonas. 
No colexio IES Barcelos, de Pontevedra, naceron poliños da raza Galiña de Mos o entre os días 31 de maio e 1 de xuño. Demos unha charla divulgativa sobre a nosa raza, contando coa participación do criador Jaime Veiga. Os alumnos viron en directo o nacemento de poliños e atenderon ilusionados ás explicacións.
O 28 de maio na televisión Galega apareceron varios dos nosos criadores, comercializadores e hostaleiros no programa "O mellor Galo do mundo". E coma non, con ese título o gran protagonista foron os produtos da raza Galiña de Mos.
O pasado 25 de maio celebrouse no Pazo de Fontefiz a asemblea Xeral anual de Avimós. Coincidíu no día coas asembleas do resto de asociacións de razas gandeiras autóctonas galegas en perigo de extinción. 
