Achégase unha Semana Verde 2014 chea de actividades.

Do 12 ao 15 de xuño deste ano vaise celebrar unha nova edición da Feira Internacional Semana Verde de Galicia,  no recinto Feiral de Silleda (Pontevedra). Existen moitas actividades e varias novidades, xa que tras o parón do ano pasado, volve o MONOGRÁFICO DA RAZA GALIÑA DE MOS, que xa vai pola súa sétima edición.


As actividades que se realizarán serán as seguintes:
·         1º CAMPIONATO GALEGO DA RAZA GALIÑA DE MOS.
            Este campionato estará dividido en dous certames no que as nosas aves poderán participar en concurso por lotes ou en concurso individual.
v   3ª EXPOSICIÓN E CONCURSO POR LOTES DE GALIÑA DE MOS – SEMANA VERDE 2014 (os lotes serán de 3 galiñas e 1 galo). 
v   VII CONCURSO MONOGRÁFICO DA GALIÑA DE MOS. 
·                    No Salón da Alimentación do Atlántico – SALIMAT (pavillón nº 1) haberá un espazo adicado ás razas autóctonas denominado “De Nós para Vós” con exposición e venda de produtos das razas, organizado pola Federación de razas autóctonas de Galicia-BOAGA. A organización dispón de stands con neveira frigoríficas para expoñer produto. Este espazo é ideal para facer a promoción de cada marca individual. Si algún produtor está interesado, que se poña en contacto coa asociación.
 ·                    DEGUSTACIÓN de razas autóctonas a prezos populares durante os catro días da feira no restaurante “TapiRazas”, no pavillón nº1.
·                    XORNADAS TÉCNICAS DE RAZAS AUTÓCTONAS GALEGAS. Nestas xornadas estarán incluídas varias ponencias sobre a nosa raza, incluíndose tamén a realización da asamblea da asociación. Estamos pendentes de pechar os detalles coa organización. Proximamente vos daremos máis información.

-         MERCADO  DE AVES VIVAS. A Fundación Semana Verde de Galicia comunícanos que calquera produtor ou marca comercial interesada en participar, deberá contratar directamente con eles, como o resto de marcas comerciais que participan na feira. Existe unha folla de solicitude de espazo que lle podemos proporcionar a todos os interesados.
Estamos ultimando os detalles de todo o programa coa organización. Proximamente poderemos dar máis información. Todas estas actividades son financiadas por: