No Feirón Adina, celebrado en Mesón do Vento, concello de Ordes, participou como protagonista a Galiña de Mos. As criadoras Mari Luz Gómez, do mesmo concello de Ordes e Cruz Grille, de Tordoia, participaron na feira con exposición e venda de exemplares. Os bares da localidade tamén fixeron degustación de Galo Mos e tortilla de pataca con ovos de Galiña de Mos. a Xornada foi moi animada.
O domingo 7 de febreiro celebrouse a Feira do Grelo das Pontes. Como novidade este ano houbo unha mostra de razas autóctonas organizada polo concello da localidade e a Federación de Razas Autóctonas de Galicia-Boaga. Alí estiveron varios lotes de exemplares da nosa raza, despertando moito interese.
O domingo 7 de febreiro celébrase a XXXVI Feira do Grelo Nas Pontes de García Rodríguez, provincia da Coruña. Alí haberá unha mostra de razas autóctonas onde estará a Galiña de Mos con exemplares de Ovella Gallega, Can de Palleiro e Porco Celta, ademáis de información do resto de razas autóctonas.
Estes días estivemos facendo gravacións sobre os ovos e os centros de envasado de ovos procedentes das explotacións avícolas artesanais, cos responsables dos programas Labranza e O Agro, da Galega. Obtivéronse imaxes de dous dos centros que xa están en funcionamento, ademáis dun restaurante e dunha tenda. 
