Asistimos á presentación da XXII Festa do Galo de Curral de Vila de Cruces.

O próximo 31 de maio celebrase no concello de Vila de Cruces, a XXII Festa do Galo de Curral. 
Será un fin de semana cheo de festa e degustación de galo de Curral, nos restaurantes da zona. 
En Vila de Cruces cada vez máis, estanse a producir galos a partir da nosa raza autóctona, chegando actualmente a ser a metade da produción total.
O pregoeiro este ano será o afamado cociñeiro Iván Domínguez, cunha estrela michelín, gran defensor dos produtos da Galiña de Mos.
O martes 12 de maio asistimos á presentación da festa, que se celebrou no mercado de Abastos de Santiago de Compostela. 
Asistíu o Director Técnico de Avimós, Diego Rois que falou das bondades da raza.

Xornadas do Galo Mos no restaurante Aurora, en Lugo.

Do 24 de abril ao 3 de maio celebraranse unhas xornadas do Galo Mos no restaurante-pulpería Aurora, na cidade de Lugo. As aves son proporcionadas pola granxa Chousa do Lea.

O Galo Mos estivo no certame Compostela Gastronómica.

Compostela Gastronómica é unha iniciativa impulsada por Turismo de Santiago de Compostela, na que se fan durante varios días diversas actividades centradas no mundo da cociña.
O pasado luns 20 de abril, impartíuse un taller no que o galo foi o protagonista. No mercado de abastos da capital de Galicia o chef asturiano Nacho Manzano, con dúas estrelas michelín, deu unha clase con galos proporcionados pola granxa Galo Celta, elaborados con diversas preparacións.

Un novo criador estréase na web.

A criadora María Fernández Martínez e o seu marido Pepe, en Nogueiró, concello de Cartelle, provincia de Ourense, etréanse na web para promocionar a súa crianza coa Galiña de Mos.
Pódese ver a páxina no seguinte enlace: http://www.oseara.es/

A Galiña de Mos estivo en Pedrafita e Triacastela.

Tanto na Feira do Queixo do Cebreiro, coma na Feira de Artesanía e Produtos da zona de Triacastela estivo a Galiña de Mos. O criador Roberto Raposo, de Pedrafita asistíu aos dous eventos con varios exemplares e tamén, na feira de Triacastela estivo o criador do mesmo concello Jorgue Anguez. 
Foron unhas feiras moi animadas e con bo tempo.

A Galiña de Mos estará en Pedrafita do Cebreiro e en Triacastela

O venres 3 de abril celebrarase a XXIX Feira do Queixo do Cebreiro, e un ano máis o Criador Roberto Raposo Díaz, estará presente cunha carpa onde exporá varios exemplares da raza.
Tamén o sábado 4, na Feira de Artesanía e Produtos da Zona, haberá participación de criadores da raza, neste caso con Jorgue Anguez de Triacastela e Roberto Raposo, de Pedrafita do Cebreiro.

A Galiña de Mos estivo en Magreco

A feira de maquinaria agrícola, artesanía e produtos ecolóxicos, MAGRECO 2015, celebrada en Boimorto os días 28 e 29 de marzo, contou con exemplares de Galiña de Mos. Tanto nun posto da asociación, no que se repartíu información sobre a raza e cunha mostra de exemplares da granxa Castelo de Alcobre. Foi unha feira moi animada e concurrida.


Todos os grupos políticos están a favor de autorizar o sacrificio na explotación de aves.

O día 25 de marzo todos os grupos do Congreso dos Deputados aprobaron pedirlle ao governo a retirada da norma que prohibe a comercialización de aves sacrificadas na propia explotación.
Como xa informamos noutras ocasións, España é o único país de toda europa que prohibe esta comercialización, sendo un grave perxuízo para os pequenos produtores.
Sorprendentemente a propia Unión Europea está a potenciar a comercialización dos pequenos produtores, pero en España chocamos coas trabas existentes. (Insistimos en que é o único país europeo no que sucede esta prohibición cando a propia normativa europea o autoriza).
Agora que todos os partidos políticos están de acordo, despois de que organizacións coma a nosa, leve anos propoñendo medidas para mellorar a comercialización, esperemos que os diferentes governos actúen en consecuencia, permitindo que os pequenos produtores avícolas podamos competir en igualdade de condicións que os nosos veciños europeos.

Este fin de semana estaremos en Boimorto.

A Feira da maquinaria e gandería MAGRECO, que se celebra en Boimorto este fin de semana, contará coa Galiña de Mos. Alí estaremos cun posto de Avimós, onde repartiremos información sobre a raza e sobre os criadores con exemplares dispoñibles. Tamén asisitirán os criadores da granxa Castelo de Alcobre, de Vila de Cruces, con varios exemplares.


A Galiña de Mos estivo no Fórum Gastronómico da Coruña

Do 15 ao 17 de marzo celebrouse na Coruña o Fórum Gastronómico, o congreso de gastronomía que se celebra alternamente entre Galicia e Cataluña. Neste certame houbo participación de produtos de Galiña de Mos, xa que a cooperativa Vicogalo presentou un posto no stand das cooperativas galegas, promocionándose tamén varios dos produtos na degustación que fixeron os produtores das cooperativas. Esta degustación estivo impartida polo afamado cociñeiro Flavio Morgantti.

Tamén na elección do cociñeiro do ano de Galicia 2015, foi finalista a cociñeira María Varela, da casa A Parada das Bestas en Palas de Rei, que preparou unha peituga de galo de curral da raza Mos.

 E tamén o restaurante Bocanegra, da cidade da Coruña, ofertou durante os días que durou o congreso, empanada de pularda da nosa raza, tendo un gran éxito.

A Galiña de Mos está presente en FIGAN

A Feira Internacional de Producción Animal - FIGAN, que estase a celebrar estes días en Zaragoza, conta coa presenza de exemplares da nosa raza.
Grazas á exposición avícola organizada pola Federación Española de Avicultura e Cunicultura (FESACOCUR) presentáronse exemplares de varias das razas españolas, estándose a repartir abundante información específica sobre as características da nosa raza.

Na Brasería Carballeira fan un sorteo moi especial

A Brasería Carballeira en Castro de Riberas de Lea, no concello de Castro de Rei, provincia de Lugo, organiza o sábado 21 de marzo un sorteo moi especial:
Unha cesta de ovos de Galiña de Mos, unha pularda e un galo da nosa raza. Os produtos proceden da granxa Chousa do Lea, da mesma localidade. 
Unha iniciativa orixinal.

Un grupo de blogueiros xantaron Galo Mos

Un grupo de blogueiros gastronómicos reuníronse o día 8 de marzo na adega de albariño Casal de Flores, en Simes, Meaño, para degustar uns galos da nosa raza, proporcionados pola granxa Mercamos, de Marcial e Luis, no concello de Barro, Pontevedra.
Máis información no blog en xoanarcodavella
(Fotos do mesmo blog)

A Galiña de Mos participou en Xantar

O 16º Salón Internacional de Turismo Gastronómico Xantar, celebrado en Ourense entre o 4 e o 8 de marzo, contou coa presenza da Galiña de Mos. Nun stand da Federación de Razas Autóctonas de Galicia-BOAGA, atendimos a todos os interesados nos produtos da Galiña de Mos.
Tamén o venres, fíxose un showcooking impartido polo cociñeiro Carlos Parra, onde se falou amplamente dos produtos da Galiña de Mos, empregándose galo e ovos principalmente para a súa elaboración. Foron uns días de intensos contactos.

A Galiña de Mos estará en Xantar 2015

A Galiña de Mos participará na 16ª edición do Salón Internacional de Gastronomía e Turismo XANTAR, que se celebrará do 4 ao 8 de febreiro de 2015 no recinto Feiral Expourense, (Finca Sevilla s/n -32005-Ourense) estando representada en diversas actividades. A Federación de razas autóctonas de Galicia-Boaga contará cun stand onde ofreceremos información sobre a raza e os seus produtos.
Tamén o venres día 6, ás 18:00h, na Aula Cuevas, haberá un Obradoiro Gastronómico, “Razas Autóctonas de Galicia en Perigo de Extinción” e maridaxe con viño da Ribeira Sacra Ponte da Boga. O Obradoiro será impartido polo Chef Carlos Parra (do restaurante Hotel Castillo de Maceda), organiza Boaga e colabora a Adega Ponte da Boga.
Nesta demostración haberá degustación de ovos e de Galiña de Mos. Máis información

Estivemos na feira Cimag Gandagro


A Galiña de Mos estivo na feira Cimag-GandAgro que se celebrou entre o 19 e o 21 de febreiro en Silleda. Foi visitada por máis de 21.000 visitantes. 

Foi unha feira con moitas visitas de tipo profesional, na que se presentou un lote de exemplares da nosa raza, se fixeron moitos contactos e repartíuse abundante información sobre a raza. Estivemos co resto de asociacións integradas na Federación de Razas Autóctonas de Galicia-BOAGA.


A Galiña de Mos participará en GandAgro

Do 19 ao 21 de febreiro de 2015, celébrase en Silleda a Cimag-GandAgro 2015, unha feira de Maquinaria, Agricultura e Gandería, no que haberá xornadas técnicas, concursos e exposicións. Estaremos presente no stand de BOAGA xunto coas asociacións integradas, expoñendose un lote de exemplares da raza, onde se informará aos interesados.
Este certame é de tipo profesional e dispoñemos de entradas/invitación a disposición de todos os criadores, que se poden solicitar no noso teléfono 988205486.

Máis información en Cimag-Gandagro

A Galiña de Mos participou en Fitur

Grazas á invitación cursada pola Asociación de Hosteleros da provincia de Lugo, asistimos á presentación en Fitur da Guía da hostelería da provincia de Lugo E para comer Lugo 2015, onde aparece o Galo de raza Mos. A esta presentación asisitimos cos nosos amigos da Asociación de Criadores da raza Ovella Galega (Asovega). 
O restaurante madrileño O Pazo de Lugo fixo unha presentación para autoridades e hosteleiros de varios produtos galegos ofrecendo Galo Mos, tendo unha gran aceptación.


Un ano máis a Galiña de Mos estará en Fitur

O mércores 28 de xaneiro presentarase no stand de Turgalicia, na Feira Internacional do Turismo en Madrid, a Guía da Hostalería Lucense "E para comer Lugo" 2015. Nesta publicación que fala de turismo gastronómico, inclúense produtos de calidade e como non, aparece o Galo Mos.
Na presentación haberá representación de Avimós, aproveitándose para facer unha presentación dos produtos da raza diante de hosteleiros madrileños, grazas á invitación da Asociación de Empresarios da Hostelería de Lugo.

Queremos probar as trufas cos produtos da Galiña de Mos?

O restaurante Esteban Seleccion Culinaria aposta estes días por unha serie de platos de trufas con produtos da Galiña de Mos. Nun menú degustación proponnos os seguintes pratos:
- Pastel de galo de Mos e porco celta, con vinagreta trufada
- Ovo trufado de galiña de Mos, con lasquiñas de xamón ibérico 
- Risotto de setas, trufa e Queixo San Simón
- Muslo de galo de Mos trufado
- Trufas de chocolate
Suscribirse a: Entradas (Atom)