En FITUR falouse da Galiña de Mos.

Participamos na Feira Internacional do Turismo FITUR ,invitados pola Asociación de Empresarios de Hosteleria da Provincia de Lugo. Asistimos á presentación da guía turística da provincia de Lugo E Para Comer Lugo na que participamos como colaboradores en diversos actos do pasado ano. Tamén aproveitamos para intercambiar contactos con hostaleiros de Madrid e presentar os produtos das nosas razas autóctonas na Casa de Galicia en Madrid.

Canelón de Galo de Mos no Campeonato oficial Hostelería de España-Tapas y Pinchos.

Un canelón de Galo de Mos, castañas de O Courel e aceite de Quiroga foi a proposta que levou a provincia de Lugo ao Campionato de España de tapas e pinchos. A Asociación Provincial de Empresarios da Hostelería de Lugo (APEHL) contou co produto da nosa raza para participar neste importante certame celebrado en Madrid Fusión, o que é unha importante promoción dos produtos da nosa raza na capital de España.

Máis info aquí

Palabra do mellor cociñeiro do mundo.

 Dabiz Muñoz, que posúe o título de mellor cociñeiro do mundo no ano 2022 e por dous anos consecutivos leva gañado, realizou unha paella con Galo de Mos para desexar a todo o mundo un bo nadal. No vídeo que publicou en instagram e foi visto xa por máis dun millón de persoas, falou no seu estilo, marabillas da carne dos galos da raza Galiña de Mos.

Para ver o vídeo pulsar aquí.

O Xornal Terra Chá Xa escribe sobre unha bonita experiencia.

Os pequenos do colexio de Román, no concello de Vilalba, provincia de Lugo crían galiñas de Mos como parte da súa aprendizaxe. 

En colaboración coa nosa asociación, neste colexio viviron a experiencia do nacemento de poliños da raza Galiña de Mos e posteriormente están a ser criados para pasar a formar parte do galiñeiro que se está construindo no propio centro.

Máis información aquí.

Nun colexio de Lugo, máis nacementos.

 O 21 de Decembro, na Escola de Educación Infantil Rosalía de Castro, en Lugo, naceu outro lote dos nosos poliños. os nenos e nenas disfrutaron moito da experiencia.

Nas Pontes naceu outro lote de polos.

O 21 de decembro no CEIP A Magdalena, nas Pontes de García Rodríguez, naceron poliños da nosa raza. Os alumn@s observaron o ciclo de incubación e os resultados tralos 21 días desde a posta en marcha da incubadora.

En Vilalba naceron máis poliños.

Tamén o 28 de novembro, no CEIP Terra Chá, no concello de Vilalba, naceron poliños da nosa raza, trala incubación que puxemos tres semanas atrás. Estes polos están a ser criados na escola para que os alumnos podan ver a súa evolución. Tamén están a construir o galiñeiro onde estarán ao aire libre.

En Foz naceron poliños.

No CEIP Fondo Nois, en Nois, concello de Foz, naceron poliños da nosa raza o día 28 de novembro. Achégamonos a impartirlles aos alumnos varias charlas sobre a Galiña de Mos, asistindo tamén un galo e unha galiña á aula, aproveitando o día de nacemento.

Curso sobre produción avícola artesanal en Monforte.

O pasado 12 de novembro celebrouse no Centro de Formación y Experimentación Agraria de Monforte de Lemos, un curso denominado AVICULTURA ARTESANAL COA RAZA GALIÑA DE MOS E COMERCIALIZACIÓN DAS SÚAS PRODUCIÓNS. O curso foi impartido polo Director Técnico de Avimós, Diego Rois, a través da organización pola Axencia Galega de Calidade Agroalimentaria da Xunta de Galicia. Colaborou tamén na organización a Asociación de avicultores da Ribeira Sacra.