En marcha máis incubacións.

Outras dúas incubacións están xa en marcha, no CEIP Francisco López Estrada no Barqueiro, concello de Mañón e no CEIP Seixalbo, en Ourense. 

Agora a esperar que salga ben...

Asistimos á presentación do Campeonato de España de Tapas.

O 13 de febreiro o presidente de Avimós Francisco Monasterio, asistíu en Lugo á presentación do primeiro Campionato de España de Tapas e Pinchos. Prticiparán representantes de todas as asociacións de hostaleiros de España. Máis información aquí.

Espectacular éxito en Xantar.

Un ano máis a nosa raza estivo presente no 21 Salón Internacional de Turismo Gastronómico-XANTAR, que se celebrou na cidade de Ourense entre o 5 e o 9 de febreiro. O restaurante da Federación de Razas Autóctonas de Galicia-BOAGA tivo un cheo absoluto todos os días da feira.

Xantar foi visitado por máis de 24.000 persoas.

No Congreso de Hostalería de Lugo falouse da Galiña de Mos.

O sábado 8 de febreiro celbrouse no Museo Interactivo da Historia de Lugo un Congreso Gastronómico que constou de varias charlas e preparacións relacionadas co mundo da hostalería e sobre os nosos produtos de calidade. Alí falouse da nosa raza.

Avimós na directiva de Boaga.

O mércores 5 de febreiro, celebrouse en Ourense, a Asamblea Xeral Extraordinaria de elección de cargos da Federación de Razas Autóctonas de Galicia-BOAGA, da que é membro Avimós.
Estos son os novos membros de Xunta Directiva (2020-2023):

PRESIDENTE: D. JOSÉ BLANCO BLANCO ( presidente de Vianega)

VICEPRESIDENTE: D. JOSÉ MANUEL GONZÁLEZ LAMELAS (presidente de Caldega)
SECRETARIO-TESORERO: D. LISARDO LÓPEZ BLANCO, (presidente de Asovega e Limiaga) VOCAL: Dª Mª HORTENSIA ALONSO ALONSO, (presidenta de Cachega)
VOCAL: Dª Mª HORTENSIA RODRÍGUEZ GONZÁLEZ, (presidenta de Frieirega)
VOCAL: D. FRANCISCO JOSÉ MONASTERIO SOLVEIRA, (presidente de Avimós).

Estivemos en Fiporco.

O sábado 8 de febreiro estivemos na Feira do Porco Celta de Sarria, Fiporco. Alí asistimos cun posto da Federación de Razas Aut´cotnas de Galicia-BOAGA ofrecendo información sobre as nosas razas autóctonas.

En Vilalba máis nacementos.

Na Escola de Educación Infantil de Vilalba, naceu un lote de poliños da nosa raza. Achegámonos a explicarlles aos máis pequenos as características da nosa raza dun xeito ameno. Que ben o pasaron...

En Galdo, Viveiro naceron poliños.

Fai uns días o CEIP Plurilingüe Santa Rita en Galdo, Viveiro, recibíu uns visitantes moi especiais. Un galo e unha galiña da nosa raza visitaron o centro, o día que naceu un lote de poliños incubados tras tres semanas. Un pracer atoparse con profesoras e profesores tan implicados cos seus alumnos.

Publicadas axudas para pequenas explotacións entre outras.

Publicada a Orde do 30 de decembro de 2019 pola que se establecen as bases reguladoras das axudas para o apoio aos investimentos nas explotacións agrícolas, para a creación de empresas para as persoas agricultoras mozas, e para a creación de empresas para o desenvolvemento de pequenas explotacións, cofinanciadas co Fondo Europeo Agrícola de Desenvolvemento Rural (Feader) no marco do Programa de desenvolvemento rural (PDR) de Galicia 2014-2020, e se convocan para o ano 2020 (DOG nº 18 do 28 de xaneiro de 2020).

O prazo de presentación de solicitudes remata o 28 de febreiro.

Na páxina web da Federación pódese descargar a normativa. Pulsar aquí

Máis información aquí

A Galiña de Mos estará en Xantar

Un ano máis a nosa raza estará presente no 21 Salón Internacional de Turismo Gastronómico-XANTAR, que se celebra na cidade de Ourense entre o 5 e o 9 de febreiro. o restaurante da Federación de Razas Autóctonas de Galicia-BOAGA, conta cun menú especial. O teléfono de reservas é o 611 012 233.

No posto do Ministerio de Agricultura falouse da nosa raza.

En Fitur celebráronse no stand do Ministerio de Agricultura, unhas ponencias sobre promoción turística das razas autóctonas. Alí estivemos o día 23 a través da Federación de Razas Autóctonas de Galicia falando do desenvolvemento turístico das nosas razas autóctonas en espazos naturais e gastronómicos, outra promoción máis na capital de España das nosas razas galegas.

A Galiña de Mos estivo coa marca E Para Comer Lugo.

Con motivo da feira Fitur, presentouse o pasado 22 de xaneiro unha nova edición da Guía E Para Comer Lugo. Alí falouse da nosa raza no posto da Xunta de Galicia. Tamén aproveitamos para visitar a hostaleiros galegos de Madrid, que fixeron preparacións cos nosos produtos. 

Martín Barreiro, José Manuel Parada e Ana Mariño posan cos peluches de Galiña de Mos, Ovella Galega e Porco Celta.