Os días 11 e 12 de febreiro estivemos na feira Fiporco, organizada en Sarria con motivo da novena edición da Feira do Porco Celta de Sarria. Nun posto da Federación de Razas Autóctonas de Galicia-BOAGA, repartimos información sobre a nosa raza e do resto das nosas autóctonas.
A nosa raza tivo un gran protagonismo na feira profesional GandAgro, celebrada en Silleda. Xunto co resto das razas autóctonas destacaron nunha carpa habilitada específicamente. O lote de exemplares estivo acompañado coas nosas razas gandeiras, pasando máis de 20.000 persoas a visitarnos, establecendo moitos contactos con interesados na avicultura artesanal.
O pasado día 18 de xaneiro con motivo da Feira Internacional do Turismo FITUR, presentouse a Guía da Hostalería de Lugo, onde se fala de produtos da Galiña de Mos. Asistimos ao stand de Galicia á súa presentación, contando ademais coa presenza de cociñeiros de Madrid e autoridades. Aproveitando a visital á capital española, realizouse unha degustación e presentación de galo da nosa raza co selo 100% raza autóctona no restaurante Portomarín, emblemático local de hostalería galego. Participamos cos nosos amigos da raza Ovella Galega e a aceptación dos nosos produtos foi enorme.
A feira do Capón de Vilalba celebrada o domingo 18 de decembro, contou coa presenza de dous criadores da raza Galiña de Mos, Francisco Monasterio e David Cristóbal, que presentaron capóns autóctonos. Desde tempos históricos ata os anos setenta do pasado século, os capóns de Vilalba se facían a partir da raza Galiña de Mos, pero na actualidade a maioría se fan de estirpes industriais. Actualmente varios criadores de Avimós volven a apostar polos capóns de antes, os da raza Galiña de Mos.
Os nenos do CEIP Menéndez Pelayo da cidade de Lugo, elaboraron as postais de nadal coas razas autóctonas galegas. Máis de 400 nenos e nenas fixeron uns orixinais debuxos nas súas postais, estando moi presente a Galiña de Mos. Con elas fixeron unha interesante exposición.
A Expo-Degustación da Galiña de Mos celebrada en San Xiao de Mos, concello de Castro de Rei, Lugo, o 30 de outubro foi un rotundo éxito. 1.000 persoas xuntáronse na carpa de degustación para saborear un menú formado por galo Mos, un ovo frito acompañado de pataca da Terra Chá e dous postres donados por empresas da zona.
Con motivo da celebración da Feira do Poldro e Gando de Monte en Muras, realizouse unha exposición de razas autóctonas onde participou a nosa raza xunto con outras das autóctonas. Repartíuse abundante información publicitaria xa que foi unha feira moi animada.
No X Congreso Ibérico sobre Recursos Xenéticos Animais celebrado na localidade portuguesa de Castelo Branco, a mediados do mes de setembro, presentáronse diversos estudos sobre as características dos ovos da raza Galiña de Mos e sobre a calidade da carne das galiñas, ademáis de analizar a evolución da nosa raza. Neste congreso científico observouse como a Galiña de Mos é a raza de galiñas autóctonas de maior censo en toda a Península Ibérica, sendo actualmente a lider en produción e comercialización entre as autóctonas
Con motivo da celebración da Festa da Pataca de Coristanco celebrada o domingo 18 de setembro, celebrouse unha exposicíón de produtos galegos participando a nosa raza. O criador Gervasio Mouro do concello de Zas, presentou varios exemplares e asistimos repartindo moita información sobre a raza. Foi unha feira moi visitada.
