Outro restaurante aposta polos produtos da nosa raza. Neste caso é Casa de Curro, que está ubicado en San Miguel de Neira de Rei, en Baralla, Lugo. Na súa carta ofrece Pularda da raza Mos confitada con champiñóns. Un lugar moi interesante para degustar esta delicia. As aves son proporcionadas pola granxa "Aves do Concello", de Vilalba, Lugo.
GandAgro é unha feira de carácter profesional, que se celebrou do 13 ao 15 de marzo, sendo visitada por 11.000 persoas. Alí estivemos cun lote de exemplares da nosa raza, repartíndose moita información publicitaria a todos os interesados. Visitáronnos moitas persoas interesadas en comezar na avicultura artesanal, aos que lles explicamos a normativa existente e as características da nosa raza. Repartimos información sobre os datos dos socios de avimós que figuran na nosa web e que teñen exemplares para a venda.
Entre o 23 e o 25 de febreiro celebrouse na cidade da Coruña, o Fórum Gastronómico, evento onde se dan cita os mellores chefs nacionais e moitos dos internacionais.
Ata o día 9 de marzo estanse a celebrar unhas xornadas que están a ser un gran éxito. Tendo uns entrantes de sopa de Galo Mos e un revolto de gulas con gambas, despois aparece o galo guisado de xeito tradicional, con patacas e pementos. De postre tiramisú con ovos de Galiña de Mos. 
O 15º Salón Internacional do Turismo, celebrado en Ourense dos días 5 ao 9 de febreiro, contou coa presencia de produtos da Galiña de Mos e con abundante información sobre a raza.
En colaboración coa empresa Galileo nenos acabamos de sacar ao mercado o peluche da Galiña de Mos.
A Galiña de Mos participará na 15ª edición do Salón Internacional de Gastronomía e Turismo XANTAR, que se celebrará do 5 ao 9 de febreiro de 2014 no recinto Feiral Expourense,(Finca Sevilla s/n -32005-Ourense) estando representada en diversas actividades.
A Federación de razas autóctonas de Galicia-Boaga contará cun stand onde ofreceremos información sobre a raza e os seus produtos.
Tamén o sábado día 8 ás 14 horas, o cociñeiro Flavio Morganti, impartirá un showcooking de razas autóctonas onde elaborará un prato con Pularda de raza Mos.
No programa da TVG "Cos pés na terra" do domingo 2 de febreiro, aparece Xosé María, criador de Galiña de Mos e Ovella Galega.
Madrid Fusión é unha das feiras de gastronomía máis importantes de toda Europa. Celebrouse na capital de España entre os días 26 e 29 de xaneiro e alí asistiron varias das marcas de produtores da nosa raza.
O día 25 de xaneiro, o programa da TVG Vivir aquí, fixo unha reportaxe sobre as razas autóctonas, onde aparecen os criadores Manolo e José Luis, da granxa "A Crista do Galo", ubicada na parroquia de Muimenta, en Lalín. 
Grazas á invitación cursada pola Asociación de Hosteleros da provincia de Lugo, asistimos á presentación en Fitur da Guía da hostelería da provincia de Lugo E para comer Lugo, onde aparece o Galo de raza Mos. A esta presentación asisitimos cos nosos amigos da Asociación de Criadores da raza Ovella Galega (Asovega).
Nesta xornada presentamos a hosteleiros de Madrid a Pularda de Raza Mos. O estudo de investigación que estamos a facer sobre a pularda da nosa raza, xunto coa Federación de Razas Autóctonas de Galicia-BOAGA e o Centro Tecnolóxico da Carne de Galica, comeza a ter resultados que estamos comezando a divulgar entre os consumidores.
