O 22 e 23 de febreiro estaremos na 40 edición da Feira do Grelo das Pontes. Alí haberá unha mostra de razas autóctonas na que participará a Galiña de Mos. Este ano como novidade, haberá unha esposición doutros tipos de aves, organizada por afeccionados da zona.
O pasado 14 de febreiro o Director Técnico de Avimós, Diego Rois, impartíu unha ponencia sobre a nosa raza no Centro Integrado de Formación Profesional A Granxa, en Ponteareas. Alí se falou aos alumnos do módulo de Produción Agroecolóxica, sobre as estratexis que se están a levar coa Galiña de Mos e sobre a avicultura artesá de Galicia.
Outras dúas incubacións están xa en marcha, no CEIP Francisco López Estrada no Barqueiro, concello de Mañón e no CEIP Seixalbo, en Ourense. 
Un ano máis a nosa raza estivo presente no 21 Salón Internacional de Turismo Gastronómico-XANTAR, que se celebrou na cidade de Ourense entre o 5 e o 9 de febreiro. O restaurante da Federación de Razas Autóctonas de Galicia-BOAGA tivo un cheo absoluto todos os días da feira.
O sábado 8 de febreiro celbrouse no Museo Interactivo da Historia de Lugo un Congreso Gastronómico que constou de varias charlas e preparacións relacionadas co mundo da hostalería e sobre os nosos produtos de calidade. Alí falouse da nosa raza.
O mércores 5 de febreiro, celebrouse en Ourense, a Asamblea Xeral Extraordinaria de elección de cargos da Federación de Razas Autóctonas de Galicia-BOAGA, da que é membro Avimós.
O sábado 8 de febreiro estivemos na Feira do Porco Celta de Sarria, Fiporco. Alí asistimos cun posto da Federación de Razas Aut´cotnas de Galicia-BOAGA ofrecendo información sobre as nosas razas autóctonas.
Na Escola de Educación Infantil de Vilalba, naceu un lote de poliños da nosa raza. Achegámonos a explicarlles aos máis pequenos as características da nosa raza dun xeito ameno. Que ben o pasaron...
Fai uns días o CEIP Plurilingüe Santa Rita en Galdo, Viveiro, recibíu uns visitantes moi especiais. Un galo e unha galiña da nosa raza visitaron o centro, o día que naceu un lote de poliños incubados tras tres semanas. Un pracer atoparse con profesoras e profesores tan implicados cos seus alumnos.
