No mes de febreiro celebráronse no restaurante o Forno de Tovar, situado no precioso Pazo de Tovar, en Lourenzá, unhas xornadas gastronómicas da nosa raza que foron dunha gran calidade. O cociñeiro Jorge López elaborou unhas suculentas preparacións como se poden ver nas seguintes fotografías. As xornadas foron organizadas pola granxa Chousa do Lea. (As imaxes que se ven a continuación pertencen ao criador José Zapata Sánchez e se poden consultar na súa páxina de facebook).
O Centro Integrado de Formación Profesional Carlos Oroza de Pontevedra, celebrou o 22 de febreiro unha xornada de degustación e exaltación dos produtos galegos con denominación de orixe ou ben, outras marcas de calidade como "100% raza autóctona Galiña de Mos". Os alumnos, que teñen estudos relacionados co sector da hostalería, programaron diversas receitas cos produtos, axudando desta maneira ao seu aprendizaxe na cociña. Estes alumnos familirízanse desta maneira cos produtos da Galiña de Mos, tendo en conta que próximamente estarán nos locais de hostalería galegos.
No CEIP O Couto de Ourense, naceron poliños da raza Galiña de Mos fai uns días. Con motivo do nacemento destes polos, achegamos á aula un galo e unha galiña da nosa raza, aproveitando para darlles aos alumnos unha charla sobre a Galiña de Mos e sobre a avicultura en xeral. Outra experiencia moi agradable e positiva.
A III Feira profesional de maquinaria, agricultura e gandería, que se celebra no recinto de Silleda do 21 ao 23 de febreiro, e unha feira de caracter profesional á que asistiremos cun posto todas as razas autóctonas galegas, no que ofreceremos información aos interesados.
O Salón Internacional de Turismo Gastronómico-XANTAR que se celebrou en Ourense do 6 ao 10 de febreiro, contou con ampla presenza das razas autóctonas. A Federación de Razas Autóctonas de Galicia-BOAGA, tivo un restaurante cun menú feito a partir de produtos das nosas razas. De Galiña de Mos degustouse empanada de galo e flan con ovo da nosa raza. O restaurante obtivo o premio ao mellor da feira.
O 12 de febreiro impartimos outra ponencia formativa aos alumnos do Centro de Formación e Experimentación Agroforestal de Sergude, no concello de Boqueixón. A charla formativa foi sobre a Galiña de Mos, a avicultura artesá e estratexias para a comercializacion das producións.
No Centro Integrado de Formación Profesional A Granxa, de Ponteareas, impartimos aos alumnos unha charla sobre a Galiña de Mos e a Avicultura Artesá. Folouse ademáis das características da raza de estratexias de comercialización, especilamente en circuitos curtos. Asistíu tamén unha nova criadora que lles explicou aos alumnos a súa estratexia comercial. 
